Sosialy

Antenimieram-pirenena Mpiasa 15 handeha hisotro ronono

Sosialy
Talata 22 Desambra 2020

Omaly 21 desambra 2020 no fotoana natokan’ny Antenimieram-pirenena hisaorana

ireo mpiasa handeha hisotro ronono amin’ity taona 2020 ity. Zava-dehibe tokoa ny asam-panjakana satria asa ho an’ny tanindrazana ary mitaky fahafoizan-tena, hoy io andrim-panjakana io. Naneho ny fankasitrahana ny asa vita rehetra ny Filoha Lefitra Razafitsiandraofa Jean Brunelle sy ny Sekretera Jeneraly Randriamahafanjary Calvin ary nitso-drano azy ireo amin’izay adidy hafa mbola miandry. Ny nisolo tena ireo handeha hisotro ronono kosa dia nanentana ireo mbola am-perin’asa hazoto hanatanteraka sy hanaja ny asa. Nisy ny fanolorana takelaka marim-pankasitrahana sy fanomezana ho an’ireo 15 mianadahy mianaka ho marim-pahatsiarovana.

Toky R