Sosialy

Antenimieram-pirenena Mifandimby mankeny amin'ny CCI Ivato ireo mpiasa

Sosialy
Alakamisy 04 Jona 2020

Araka ny fanazavana nomen'ny tompon'andraikitra vaovaon'ny serasera eny anivon'ny Antenimieram-pirenena Malagasy eny Tsimbazaza,

Rtoa Randriamitandrina Mboahangy, dia voatery nampifandimbiasina ireo mpiasa miandraiki-draharaha eny anivon'ity rafitra ity amin'izao fiatrehan'ny solombavambahoaka ny fivoriana ara-potoana voalohany amin'ity taona 2020 ity ka misy ireo mijanona miandry tanàna ao amin'ny Lapan'i Tsimbazaza sady manohy ny asa mahazatra azy ireo ao ihany fa misy kosa ireo ampahany nalefa hisahana ny fampandehanana ny fivoriana eny amin'ny CCI Ivato noho ny fepetran'ny ady amin'ny covid-19. Fantatra ary fa raha ny minisitry ny Fitaterana, ny Fizahan-tany sy ny Famantarana ny Toetr’andro sy ny minisitry ny fanajariana ny tany ary ny minisitra lefitra misahana ny tanàna vaovao sy ny toeram-ponenana no nitondra ny tatitry ny zava-batany avsy namaly ny fanontaniana napetrak'ireo solombavambahoaka omaly dia anjaran'ny minisitry ny fahasalamam-bahoaka sy ny minisitry ny tanora sy ny fanatanjahantena ary ny minisitry ny fanabeazam-pirenena kosa no miakatra eny amin'ny CCI Ivato anio alakamisy 04 jona 2020.

Ntsoavina Evariste