Sosialy

Antaninarenina Buffet du Jardin Nisitraka fetin’ny Noely ireo sahirana ara-pivelomana

Sosialy
Alarobia 26 Desambra 2018

Tahaka ny fanaony isan-taona dia nisitraka fetin’ny Noely tamin’ny alalan’ny fanomezana natolotry ny fianakaviana Eric Kholer tompon’ny toeram-pisakafoana Buffet du Jardin eny Antaninarenina azy ireo ny kilonga sy olon-dehibe sahirana ara-pivelomana nanodidina ny 400 teo ho eo avy amin’ny faritra Antaninarenina, Ambatonakanga,

Ambatonilita, Ambatomena manodidina ny Ambassade de France. Mendrika ny hisitraka fetin’ny Noely tahaka an’ireo fianakaviana rehetra manerana ny nosy izy ireo, hoy Atoa Eric Kholer, ary mahatsiaro azy ireo manokana izahay noho ny fiaraha-miasa matotra amin’izy ireo mandritra ny taona (fiambenana tanàna, fanadiovana ny faritra, firaha-mientana amin’ny asa hafa ihany koa…). Vary sy laoka henan’omby matavy, “jus” samihafa ary “Gateaux de Noël” tsirairay avy no natolotra azy ireo tamin’izany. Hoeritreretina, hoy izy, ny hanomezana kilalao hoan’ireo ankizy amin’ny taona ho avy ary mikasa ny hanolotra sakafo ho azy ireo koa izahay amin’ny fetin’ny fahaleovanteny 26 jona 2019.

Ntsoavina Evariste