Sosialy

Antanetibe Mahazaza Navoaka ny razana fa hotrongisina ny fasana

Sosialy
Alarobia 24 Jona 2020

Nesorina ilay fasan-drazan'olona, ary navoaka tao daholo ny razana satria amboarina ny lalana, ety Antanetibe Mahazaza Ambonirina, hoy ny fitantarana mahakasika ity toe-javatra ity.

Mandeha ny fitrongisana amin’ny alalan’ny milina lehibe fanamboaran-dàlana ny toerana hanaovana izany, ka mifanandrify amin’izany indrindra ity fasana ity, raha ny fahitana azy. Navoaka sy nofonosina ireo razana araka ny sary nivoaka, saingy tsy fantatra mazava na efa misy toerana na fasana vonona handevenana azy ireo. Niampantrampatra tsy misy lafika fa navoaka teo amin’ny malalaka fotsiny. Isan’ny manan-danja amin’ny Malagasy ny razana, ary misy ny fombafomba amin’ny fikitihana azy ireny, saingy toa hafahafa ity niseho teny Antanetibe Mahazaza ity.

Toky R