Sosialy

Antananarivo Renivohitra Tsy rariny intsony ny havoretrana...

Sosialy
Talata 15 Oktobra 2019

Mivalan-drano etsy sy eroa, manary fako eny rehetra eny... Santionany ireo.

Dia hanome tsiny indray fa ny kaominina no tsy manao ny asany sy tsy manadio ? Sao kosa efa raiki-tapisaka ilay toe-tsaina lomorina hoe efa misy olona voakarama hanadio sy hamafa ka hanao inona fotsiny ireny ? Mihevitra fa tsy maintsy hampiasa polisy monisipaly hiambina toy ny omby ve vao hanaja ny hafa sy ny fahadiovana ? Ireo mpivarotra koa moa dia ny hahalafo ny entany ihany no masaka ao an-dohany fa ankoatr'izay dia tsy misy iasany saina. Dia gaga ve isika raha tsy maha-te honina sy maimbo ary hitangoronan' ny voalavo eto an-drenivohitra ? Ao anatin'ny adihevitra indrindra isika izao amin' ny fifidianana ben'ny tanàna. Iza amin'izy dimy mirahalahy no hahay handamina ny tanàna ? Ny fanazavana ny tanàna. Momba ireo fako indrindra ny fiaraha-miasa amin'ny Samva. Ahoana ny fiahiana ireo beantitra sy ireo tsy manan-kialofana ? Eo koa ny fiahiana ireo misy aretin-tsaina izay mampidi-doza amin'ny haromotana. Iza no hanana drafi-panajariana mifanaraka amin'ny filàna ? Ny zava-misy ankehitriny dia voretra ny tanàna ary tsy mahagaga raha tanàna faharoa maloto, indrindra maneran-tany Antananarivo noho isika ihany.

Marigny A.