Sosialy

Antananarivo Renivohitra Hovonoina ireo alika mirenireny

Sosialy
Alakamisy 25 Jolay 2019

Ny fotoana mampahazo vahana ny fiovaovan’ny toetr’andro tahaka izao no tena mampirongatra ny aretina haromotana vokatry ny kaikitry ny alika na ny rangotry ny saka.

Manoloana io tranga io dia misy ny hetsika karakarain’ny minisiteran’ny fiompiana sy ny jono entina hanaovam-baksiny maimaimpoana ny saka sy ny alika eto an-drenivohitra sy ny manodidina. Efa nanomboka ny 22 jolay lasa teo izy io etsy Mahamasina ka ho an’ny Boriborintany fahefatra dia misy ny fanentanana sy ny fitaizana ny mponina mba handray andraikitra raha tiany tokoa ireny biby fiompiny ireny. Aorian’ny 18 aogositra ho avy izao izay hifaranan’ny hetsika mantsy dia hiroso amin’ny famonoana ireo alika mirenireny tsy manan-tompo ny kaominina saingy mialoha izay dia mbola miala nenina izy ireo. Tanjon’ny kaominina ny hiarovana ny mponina amin’ny aretina haromotana izay tsiahivina fa mamono olona 10 ka hatramin’ny 15 isan-taona eto amintsika.

Pati