Sosialy

Antananarivo Renivohitra Hafindra eny Isotry avokoa ireo tsy manan-kialofana

Sosialy
Alakamisy 22 Aogositra 2019

Ho fanadiovana ny tanàna mialoha ny hahatongavan’i Papa François eto an-tanindrazana amin’ny fiandohan’ny volana septambra ho avy io dia nisy ny hetsika notanterahin’ny kaominina Antananarivo Renivohitra tamin’ireo tsy manan-kialofana, omaly.

Nampahafantarina azy ireo tamin’izany fa tsy maintsy alana amin’ny toerany izy ireo. Tsy hotampohina velively akory, mba hahafahany miomana. Ireo ekipan’ny kaominina sy ny polisim-pirenena ary ny DAS no nifanome tanana tamin’izany ka nolalovan’izy ireo avokoa ny teny Ambodifilao, ny teny ambanin’ny tonelina Analakely…. Raha araka ny fanazavana azo moa dia afindra eny Isotry izy ireo, ivontoerana fametrahana ireo tsy manan-kialofana eto an-drenivohitra. Misy ny trano handraisana azy ireo saingy tsy maintsy mivoaka mitady ny hanin-ko hanina kosa ny rehetra ny maraina aorian’ny fandaminany ny toerana avy nandriany.

Pati