Sosialy

Antananarivo Miantso fanarahana fandaminana ny prefe

Sosialy
Alakamisy 27 Aogositra 2020

Mbola ao anatin` ny fahamehana ara-pahasalamana isika na dia miditra amin` ny fivoahana miandalana amin` ny fihibohana hoy ny jeneraly Ravelonarivo Angelo, prefen` Antananarivo.

Miantso ny tokony hanarahina ny fandaminana napetrakin` ny fanjakana sy ny ministeran` ny fahasalamana ny prefe. “Mbola mipetraka daholo ny fepetra ara-pahasalamana araka ny toromarikin` ny filoham-pirenena. Zavatra tsapa dia betsaka no mieritreritra fa efa nivoaka amin` ny fihibohana tanteraka ka tsy miraharaha ierny fepetra ireny intsony. Izany indrindra no hanentanana ny eto Analamanga, aleo tazomina ireo fepetra izay nahazatra teo aloha. Niverina ny taxi-be ka tokony hamafisina ny fanaovana aro vava sy “gel hydroalcoolique” mba tsy hiverina indray ny valanaretina”. Nampatsiahy ny prefen` Antananarivo fa mbola mihatra ny fepetra ary misy hatrany ny sazy ho an` izay mandika izany.

Marigny A.