Sosialy

Antananarivo Ankizy mpianatra 1630 no saika tratry ny tsy fanjariantsakafo

Sosialy
Alakamisy 31 Oktobra 2019

Fototra iray lehibe manosika ny ankizy hitsoaka an-daharana an-tsekoly ny tsy fahampian-tsakafo.

Ho an’ny teto amin’ny fari-piadidiam-pampianaran’Antananarivo Renivohitra manokana dia fantatra fa ankizy mpianatra miisa 1.630 no saika tratry ny tsy fanjarian-tsakafo noho ny tsy fahampiana misy eny anivon’ny tokantrano tsirairay avy. Hiezaka hijery manokana azy ireo ny minisiteran’ny fanabeazam-pirenena sy ny fampianarana teknika ary ny ofisim-pirenena miady amin’ny tsy fanjarian-tsakafo. Ny vondrona Filatex kosa no hamatsy vola azy ireo, ka ny tanjona dia ny hitazonana ireo ankizy tsy hitsoaka an-daharana sy hanamaivanana ny fahasahiranan’ny ray aman-dreny. Amin’ny alalan’ny fanomezana ody ambavafo na sakafo atoandro azy ireo no hanatanterahana ny hetsika izay hanomboka tsy ho ela. Nisy ny sonia fifanaraham-piaraha-miasa teo amin’ny telo tonta omaly hahafahana manatontosa izany. Tsiahivina moa fa io isa io no fantatra fa efa betsaka ireo ankizy latsaky ny dimy taona no lasibatry ny tsy fanjarian-tsakafo mitarazoka eto amintsika vokatry ny fahasahiranana iainan’ny isam-baravarana.

Pati