Sosialy

Anosy sy ny manodidina Tsy maintsy esorina daholo ireo mpivarotra amoron-dalana

Sosialy
Talata 16 Jolay 2019

Nanomboka ny herinandro lasa teo nitohy tamin’ity herinandro ity ny fanalana ireo mpivarotra amoron-dalana mitoby manoloana ny ranon’Anosy.

Efa manodidina ny 100 isa izy ireo raha kely mivarotra ireo karazana voankazo sy legioma maro samihafa. Ny nahavariana anefa dia niverina indray ny ankamaroan’izy ireo omaly alatsinainy 15 jolay maraina ankoatra ireo mamorona toeran-kafa manoloana ny arabe mankany Anosibe. Nambaran’ny delegen’ny Boriborintany fahefatra fa tsy maintsy hofoanana ireo mpivarotra amoron-dalana eo Anosy ireo. Tsy ara-dalàna avokoa mantsy izy ireo raha ny nambarany ka manery lalana sady manakorontana ny fivezivezen’ny mpandeha an-tongotra izay mety hitera-doza. Efa nisy andro iray na roa nahafoana azy ireo tanteraka tamin’ny herinandro lasa teo saingy raha vao tsy misy tompon’andraikitra manara-maso dia miverina maka toerana indray izy ireo.

Pati