Sosialy

Anosizato Atsinanana Efitrano 4 may kila noho ny ankoson’aratra

Sosialy
Alakamisy 04 Jolay 2019

Nitrangana hain-trano goavana tetsy Anosizato Atsinanana, ampitan’ny fahitalavitra Record omaly tokony ho tamin’ny 11 ora atoandro.

Raha ny fantatra, ankison’aratra na “court circuit” no nahatonga ny loza, hany ka nahita faisana avokoa ireo efitrano miisa efatra tany ambony rihina niaraka tamin’ireo fanaka rehetra tao anatiny. Tsy nisy kosa ny naratra na namoy ny ainy. Noho ny fifanomezan-tanan’ny fokonolona sy ny fahatongavan’ireo mpamonjy voina miisa roa teny an-toerana dia voafehy vetivety ny afo ka mba tsy nitatra. Fiangonana ity trano may ity. Tsy mbola fantatra kosa raha nisy vola tao. Mila malina hatrany ny rehetra amin’izao vanim-potoanan’ny ririnina izao, fotoana tena mahabetsaka ny rivotra ka mampahazo aina ny afo.

Pati