Sosialy

Anosibe Paraky Voasambotra i Félicien mpivarotra rongony

Sosialy
Alarobia 10 Jona 2020

Lehilahy iray antsoina Felicien, 45 taona no tra-tehaky ny polisy avy ao amin’ny PPA Ilanivato mivarotra rongony teny Anosibe Paraky ny Alahady, 07 jona teo tokony tamin’ny 08 ora maraina.

Rehefa nosavaina izy dia nahatrarana rongony miisa 9 fonosana lehibe. Polisy nanao fisafoana teny an-toerana no nahazo vaovao avy amin’ny olona tsara sitra-po fa misy lehilahy mivarotra rongony eny an-toerana. Vehivavy kely roa no irahan’ity lehilahy ity hividy ireo rongony hamidiny. Rehefa natao ny velam-pandrika ka narahana ireto vehivavy kely ireto dia nanoro ny olona naniraka azy. Tratra teo amoron-dalana teo Anosibe ity mpivaro-drongony ity teo am-piandrasana ireto vehivavy kely roa ireto. Tamin’ny fanadihadiana natao azy dia nanda izy fa tsy azy ireo rongony izay tratra teny aminy. Natolotra ny fampanoavana omaly ny lehilahy.

Pati