Sosialy

Anosibe Noraofin’ny kaominina ireo sarety sy kalesa mpivarotra

Sosialy
Alarobia 10 Febroary 2021

5 hetsy Ar eo ny vidin’ny kalesy iray fitondrana akondro mandehandeha amin’izao.

Ny nampalahelo anefa dia kalesa sy sarety eran’ny kamiao no noraofin’ny kaominina teny Anosibe omaly, izay notsindriana Renim-pianakaviana iray mihitsy fa nopotipotehan’izy ireo. Mbola tohin’ilay raharaha fandrarana ireo mpitondra kalesa mitondra akondro sy sarety izay voalaza fa manembantsembana ny fifamoivoizana sy mibahana ny arabe sy ny lalan’ny mpandeha an-tongotra no anton’izany. Nitroatra mafy ireo mpanotrika akondro eny Namontana noho izany. Fa hanao inona izahay hoy ny Renim-pianakaviana iray, hangalatra hogadraina nefa mivarotra ara-dalàna arahina gidragidra ihany koa. Nanambara moa izy ireo fa efa nikasa ny hihaona tamin’ny tompon’andraikitry ny kaominina tamin’ny afak’omaly alatsinainy nanombohan’ny hetsika saingy tsy nety nandray ny kaominina. Amin’ny herinandro indray no fotoana vaovao azon’izy ireo, fotoana izay nambaran’ ity Renim-pianakaviana ity fa tokony efa hampidirana vola 10.000 Ar isan-tokantrano ho an’ny mpitondra kalesa.

Pati