Sosialy

Anosibe Ifanja May ny tanàna

Sosialy
Alarobia 08 Jolay 2020

Nitrangana hain-trano goavana omaly tany amin’ny kaominina ambanivohitra Anosibe Ifanja, Faritra Itasy.

Ao amin’ny tanànan’i Morafeno raha faritana tsara no nisehoan’izany. Nanomboka tamin’ny 10 ora atoandro ny firehetana, fotoana tsy nahatao an-toerana ny ankamaroan’ny tompon-trano. Saika ora fandehanan’ny tsirairay mamita asa any an-tsaha avokoa mantsy io ora io ka ireo ankizy tavela tao an-tanana sisa no namono ny afo. Tsy mbola fantatra mazava moa hatramin’ny fotoana nanoratanay izay antony nahatonga izany firehetana izany. Toa mampahatsiahy ny fiakaran’ny dahalo an-tanana kosa ny firehetana tahaka izao hahafahany maka sy mandroba ireo omby sy kisoa hany fananana kelin’ny fokonolona. Trano am-polony no efa tsy nisy tafo intsony nandritra ny firehetana raha mbola tsy fantatra ny isan’ireo tsy manan-kialofana.

Pati