Sosialy

Ankozomiriotra Tsy salama saina tia mampianan-janaka

Sosialy
Alakamisy 01 Oktobra 2020

Betsaka no hambakain’ny tsy salama saina amin’izao na dia mbola ao anatin’ny hamehana ara-pahasalamana aza isika ka mahatsiaro ho sahirana. Renim-pianakaviana iray voalaza mantsy fa marary saina tany Ankazomiriotra,

fari-piadidiam-pampianaran’i Mandoto, DREN Vakinankaratra no nahavita nampiditra an-janany any an-tsekoly, omaly. Tao amin’ny EPP Marovato no nateriny i Hasina, zanany lahikely vao 8 taona monja hanovo fahalalana ao amin’ny APP Marovato. Raha araka ny loharanom-baovao dia vao hiditra ao amin’ny taona voalohany mihitsy io zaza io. Tsy vitsy ireo nahatsiaro ho tohina noho ity tranga ity araka izany. Betsaka mantsy ireo salama vatana sy salama saina saingy tsy mihevitra akory ny hampiditra an-janany an-tsekoly ho fitsinjovana ny ho avin’izy ireny sy ho fanajana ny zony. Anatra ho antsika Ray aman-dReniny tsy mahatsiaro ny adidiny ity tranga tany Ankazomiriotra ity.

Pati