Sosialy

Ankorangana - Antsiranana II Zazavavy iray namoy ny ainy vokatry ny fihinanana fano

Sosialy
Talata 11 Janoary 2022

Zazavavy iray no namoy ny ainy, zaza telo sy olon-dehibe roa naiditra hopitaly. Io vokatr’ilay fihinanana fano na “tortue de mer” tany amin’ny Fokontany Irodo ,

sektera Amboabiaka kaominina ambanivohitra Ankarongana Antsiranana II, ny faran’ny herinandro. Ny alakamisy lasa teo no nihinana io fano io ireo olona saingy roa andro taty aoriana vao narary avokoa. Nidina teny an-toerana ny ekipan'ny Fitaleavam-paritry ny fahasalamana sy ireo avy amin'ny sampandraharahan'ny jono. Nisy ny fandraisana an-tanana avy hatrany natao azy ireo ka maimaim-poana avokoa ny fitsaboana rehetra . Manodidina 30 eo kosa ireo olona efa sitrana rehefa nahazo fitsaboana. Raha araka ny fantatra moa dia mbola misy amin’ireo olona nihinana ity fano ity no mbola tsy tonga nanaraka fitsaboana fa mijanona fotsiny any an-tokantranony any ka atahorana ny ainy.
Legende : Santionany amin'ireo olona tsy salama nihinana ilay fano.
Nangonin’i Pati