Sosialy

Ankizy voan’ny homamiadana 100 isan-taona ireo manatona ny hopitaly HJRA

Sosialy
Alarobia 19 Febroary 2020

Tena mahazo vahana be ny homamiadana mpahazo ny zaza eto amintsika ankoatra ny homamiadana mpahazo ny vehivavy.

Raha araka ny fanadihadiana natao teo anivon’ny sampana fitsaboana ny zaza eo anivon’ny hopitaly HJRA Ampefiloha dia mahatratra 100 isan-taona ireo mandalo ao an-toerana. Ny homamiadan’ny ra, ny homamiadan’ny atoditariana, ny fivontosana any amin’ny taova toy ny voa, ny kibo, ny homamiadan’ny maso no tena maro an’isa indrindra amin’izany. Ho an’ity farany manokana dia ilay maso somary fotsifotsy mitovy amin’ny mason-tsaka no hahafantarana azy ka tokony ho malina ireo ray aman-dreny. Fomba fisehon’ireo karazana homamiadana hafa ihany koa ny ra mandeha lava amin’ny oron’ny zaza raha araka ny fanazavan’ny dokotera iray manampahaizana manokana momba izany, ankoatra ny fivontosana eny amin’ny tongotra na tanana. Ny fanaovana chimiothérapie sy ny radiotherapie ihany hatreto no fomba iray hahafahana miady amin’ny aretina homamiadana. Manodidina ny 2 hetsy sy 1 tapitrisa Ar ka hatramin’ny 10 tapitrisa Ar ny vola ilaina amin’izany raha kely. Betsaka anefa ireo ray aman-dreny manan-janaka marary no tsy manana fahafahana ny hitady io vola io koa manao antso avo amin’ireo malalatanana sy ireo tsara sitrapo izy ireo mba hifanolo-tanana aminy.

Pati