Sosialy

Ankizy tsy manana kopia ao Toamasina Mila jerena, hoy ny mpanakanto Nantenaina

Sosialy
Alatsinainy 08 Aprily 2019

Elaela no tsy nahenoana ny mpanakanto Nantenaina. Mitohy ny mozika, hoy izy, saingy izaho dia artista nisafidy ny ho balizin’ny fiarahamonina.

Tsapako fa betsaka ireo ankizy tsy manana kopia sy sora-piankohonana ao Toamasina ary tsy misy mpijery. Olana be io nefa lazaina foana fa zon’ny ankizy ny mianatra. Tsy afaka hianatra sy hahazo diplaoma anefa ny ankizy raha tsy mahazo an’io ary heveriko, fa naman’ny herisetra ny tsy fandraisana andraikitra manoloana izany, hoy i Nantenaina. Raha tsy manana kopia mandra-paha lehibe izy dia na ho mpibata entana ka mety higadragadra fahatany noho ny tsy fahitana karapanondro raha tratra alina na ho lasa mpanao ratsy. Mila jerena izany ary antony nanaovako laharam-pahamehana ny fifanarahana tamin’ny tribonaly tao an-toerana mba hahafahan’ny ankizy maherin’ny 4000 isa hahazo kopia. Niisa 3000 moa no efa nisitraka izany ny taona 2018 ary amin’ity taona ity kosa dia efa miandry ao ny ho ana ankizy 1200 isa.

J. Mirija