Sosialy

Ankizy tsy hita teny Itaosy Izay vao nipoitra ny tena marina

Sosialy
Alarobia 15 Janoary 2020

Izao vao tena fantatra ny marina mahakasika ireo ankizy telo mianadahy very teny Itaosy ny herinandro lasa teo ary efa hita soa aman-tsara. Rangahy iray izay tsy fantatr’izy ireo no nolazainy tamin-dReniny fa nanambitamby vola azy ary nitaona azy ireo mba hanaraka azy.

Ankoatra ilay vola efa nomeny mantsy dia mbola nampanantena zavatra hafa azy telo mianadahy ihany koa ilay Rangahy ka roboka izy ireo. Nentin’ilay Rangahy taxi-be izy telo mianadahy taorian’izany ary nariany teny Anosizato noho ny antony tsy fantatra.Raiki-tahitra ireo farany noho ny zava-nitranga, ny andro rahateo efa nihamaizina ka ka lasa nandeha dia an-tongotra nankeny amin’ny tonelina Ambohidahy, mba hitadiavana toerana hatoriana.Tamin’izay indrindra anefa no nisy nahita izy ireo ka nanatitra azy nody teny an-tranony eny Itaosy. Tsy nisy araka ny feo nandeha teo aloha moa ilay resaka fiara 4x4 izay voalaza fa naka azy ireo. Na izany aza dia salama tsara izy telo mianadahy kely ireto.

Pati