Sosialy

Ankilimarovahatse - Amboasary Atsimo Ankizy miisa valo matin’ny hanoanana

Sosialy
Talata 29 Septambra 2020

Mamely ny kere any atsimo. Mihantona ny orana. Tsy misy antenaina ny vokatry ny fambolena. Atao varoboba ny biby fiompiana mba hividianana rano sy sakafo.

Malagasy maro no misedra olana ara-tsakafo ankehitriny. Lasibatra ireo marefo, dia ny zokiolona sy ireo zaza madinika. Maro no mamoy ny ainy noho ny hanoanana. Tao Ankilimarovahatse Fokontany iray any Amboasary Atsimo, izao dia fantatra fa ankizy miisa valo no namoy ny ainy ny faran’ny herinandro teo vokatry ny hanoanana tafahoatra. Miantso vonjy ny mponina any, rahoviana no mba hisitraka « Vatsy Tsinjo » na koa « Tosika Fameno » hisorohana ny fahafatesana mirarakompana noho ny hanoanana.

Jean D.