Sosialy

Ankatso Nesorina avokoa ireo tany ahiana hihotsaka

Sosialy
Alarobia 12 Desambra 2018

Vonona hiatrika ny fotoam-pahavaratra ireo mponina ao anatin’ny Boriborintany faharoa, kaominina Antananarivo Renivohitra.

Nesorin’izy ireo avokoa ireo tany ahiana hihotsaka eny Ankatso omaly ho fiarovana ny ain’ny mponina. Taorian’ny fitsirihana nataon’ny ekipa Teknika sy ny fitarainan’ny mponina eny amin’ny manodidina no nandraisan’ireo tompon’andraikitra eo anivon’ny Boriborintany faharoa izany fanapahan-kevitra izany. Ankoatra ity toerana efa nokarakaraina ity dia faritra maro eto an-drenivohitra no fantatra fa ahiana mety hisian’ny tany mihotsaka, antony mampamalina ny kaominina Antananarivo Renivohitra tahaka izao. Nodiovina daholo ihany koa moa ireo tata-drano eny anivon’ny Boriborintany faharoa toy ny teny Ambanidia sy Ambolokandrina, ho fisorohana ny mety ho fiakaran’ny rano mandritra ny fotoam-pahavaratra. Miantso ny rehetra hatrany mba hanao vaindohan-draharaha ny asa fanadiovana ny tanàna sy ny tata-drano ny kaominina ho tombontsoan’ny rehetra.

Pati