Sosialy

Anjilava Sambava Pitik’afo no nampirehitra ilay fasana

Sosialy
Alatsinainy 06 Desambra 2021

Fasana iray no nirehitra nipitihin’ny afo ny 02 desambra lasa teo teny Ambodiravina, Anjialava Sambava. Pitik’afo avy tamina fandoroana tanimbolin’olona no nahatonga ny afo raha araka ny vaovao voaray.

Naharitra ora efatra ny afo nanomboka tamin’ny 11 ora atoandro ka hatramin’ny 03 ora folakandro. Mponina tany an-toerana miisa 300 no nifanome tanana namono ny afo. Zavatra hafa indray anefa no nitranga taorian’izany. Rehefa voafehy mantsy ny afo dia niaraka nikorana ireo mponina ka noho ny hamamoana dia raikitra ny ady izay nihafara tamin’ny fifamelezana totohondry. Voatery niditra an-tsehatra mihitsy ny Fokontany nandamina ny raharaha. Lehilahy manodidina ny 20 isa moa no indray nifamono nandritra izany.
Nangonin’i Pati
Legende : Ity ilay fasana nirehitra