Sosialy

Anjanamaitso Ampitatafika Zokiolona 6 no mba nahazo fanampiana

Sosialy
Sabotsy 18 Aprily 2020

Mifarana anio sabotsy ny 15 andro tapany faharoa hanatanterahana ny fihibohana. Nisy hatrany ny fanampiana nandeha tao anatin’izay iray volana izay saingy ny

nampalahelo dia zokiolona 6 monja hatreto no mba nahazo izany ho an’ny faritra Anjanamaitso Ampitatafika. Olona sahirana avokoa anefa ireo mponina ao an-toerana raha ny vaovao azo. 6 monja raba betsaka ireo zokiolona mandray vola fisotroan-dronono fa ny ankoatra izay dia mivelona amin’ny varotra amoron-dalana, mipetraka amin’ny zanany izay mivelona amin’ny asa fanamboarana biriky….Malahelo mafy araka izany ny mponina ary manao antso avo amin’ny Fitondram-panjakana. Nomarihin’ny mpitondra tenin’izy ireo moa fa ny an-tsasaky ny mponina ao Anjanamaitso dia zokiolona avokoa no sady sahirana. Ankoatra ireto farany dia mbola tsy nisy nahazo fanampiana ihany koa ireo mpivarotra amoron-dalana…. araka ny fampanantenana nataon’ny filoham-pirenena.

Pati