Sosialy

Andry Rajoelina mivady Nanampy ireo ankizy marary

Sosialy
Alakamisy 26 Desambra 2019

Tonga nizara fanomezana sy kilalao ho an'ireo zaza rehetra tsaboina eny amin’ny hopitaly HJRA sy CENHOSOA Soavinandriana ny filoham-pirenena mivady noho ny fetin’ny asaramanitra ny 24 desambra lasa teo.

Nitondra vatsy sy fanampiana ho an'ireo ray aman-drenin'izy ireo izahay mivady satria mendrika ny hanao fety anaty hafaliana sy fifankatiavana toy ny rehetra izy ireo, hoy i Andry Rajoelina mba hahatsapany fa misy raiamandreny miahy izy ireo amin’izao noelim-pifankatiavana izao. Nisy ny fanolorana « panier garni » niampy valopy hanampiana ireo ray aman-dreny ao anatin’ny fitsaboana ny zanany ao anatin’izao andro fety izao. Omaly kosa dia tetsy amin’ny Toby Akamasoa Andralanitra ny filoham-pirenena sy ny ankohonany no niombom-bavaka sy nizara fanomezana.

Toky R