Sosialy

Partagé sur :
• facebook

Mandray anjara amin’ny fankalazana ny andro iraisam-pirenena ho an’ny tontolo iainana ny Kopakelatra.

 Hanentanana ny mponin’Antananarivo amin’ny fanangonana ny tavoahangy plastika eny amin’ireo toeram-panangonana voasingana ho amin’izany araka izany ny Kopakelatra rahampitso Sabotsy 05 Jona.Toeram-panangonana Kopakelatra 8 eto Antananarivo no hisy fanentanana amin’ny fanaterana ireo tavoahangy plastika tsy miasa intsony. Anisan’izany ireo toeram-pivarotana lehibe leader price efatra (Ambatobe, Ankorondrano, Andranomena et Tanjombato), jumbo score telo (Talatamaty, Ankorondrano et Digue) ary ny tobin-tsolika jovena eny Ivandry. Ny tanjon’ny hetsika dia ny hanaitra ny daholobe amin’ny fanaterana tavoahangy betsaka rahampitso tontolo. Hisy ireo lamina apetraka eny amin’ireo toeram-panangonana ho fanajana ireo fepetra ara-pahasalamana. Ny mpandray anjara mitondra tavoahangy plastika mihoatra ny folo dia hahazo fanomezana sy « bon d’achat » jifaina avy hatrany eo amin’ilay toeram-pivarotana nanaterany tavoahangy. Ankoatra ny rahampitso, dia afaka mampiasa ireo baka fanangonana miisa 29 miparitaka eto Antananarivo ny rehetra. Efa nahazo ny bakany ny CETAMADA Sainte-Marie ho fampianarana ny mponina eny an-toerana amin’ny fiarovana ny tontolo iainana. Tanterahina ao anatin’ity taona ity ihany koa ny fampitaovana ny faritra hafa amin’ny baka fanangonana Kopakelatra.

Pati

Legende : Hafotaka tahaka izao ny fanentanana fanangonana tavoahangy plastika rahampitso

Tia Tanindrazana

Samia mijoro ho an'i Gasikara.