Sosialy

Andrebakely Amparafaravola Olona 18 no voapoizin’ny maionezy

Sosialy
Zoma 17 Martsa 2023

Olona miisa 18 no fantatra fa voapoizin’ny maionezy tany amin’ny kaominina ambanivohitra Andrebakely, distrikan’Amparafavola, Faritra Alaotra Mangoro afak’omaly.

Raha araka ny loharanom-baovao azo dia nivadika ho poizina io maionezy io izay vinavinain’ireo nanatri-maso fa mety ho vokatry ny hafanana nefa mety ho vokatry ny fahaelan’ny fotoana nanaovana azy ihany koa. Nifampiarahaba nahatratra ny taona vaovao mantsy ny ZAP tany an-toerana tamin’io andro io ka sakafon’olona maro no tsy maintsy nomanina sy nokarakaraina. Fomba niandohan’ny aretina ny fahararian’ny kibon’ireo olona nihinana izany. Nisy ihany koa ireo nandoa sady nivalana, tranga tsy voafehy raha tsy tonga tany amin’ny hopitaly. Na izany aza avotra soa aman-tsara avokoa izy 18 mianaka mianadahy ireo, tsy nisy ny aina nafoy.
Pati