Sosialy

Andasibe Noana, nitroatra ireo mpisera dia

Sosialy
Zoma 14 Aogositra 2020

Ela ny ela fa nitroatra ihany koa ireo mpisera dia ao amin’ny valan-javaboahary ao

Andasibe miisa 105 mianadahy. Efa efa-bolana tsy nampidi-bola mantsy izy ireo hatreto nefa mamelom-bady aman-janaka avokoa, manofa trano….Nivoaka tamin’ny fahanginana izy ireo koa manao antso avo amin’ny Fitondram-panjakana ny amin’ny tokony hanampiana azy ireo. Raha araka ny fantatra mantsy dia manana taratasy ara-dalana izy ireo amin’ny maha-mpisera dia mahaleo tena azy, mandoa hetra ihany koa….Ankoatra ny fiarovana sy ny fikarakarana ity valan-javaboahary ity dia anisan’ny asa sahanin’izy ireo ny fitadiavana paikady hatrany hampitomboana ireo mpizahantany vahiny mandalo ao an-toerana vao miazo an’i Toamasina. Nohantitranterin’izy ireo moa fa anisan’ny valan-javaboahary mampidi-bola betsaka Andasibe noho izy voakolokolo sy akaiky satria dia 135 km monja miala ny an’Antananarivo no misy azy.

Pati