Sosialy

Ampefiloha Mpanampy an-trano 3 mianadahy nitondra zaza nitsoaka

Sosialy
Alarobia 25 Aogositra 2021

Mpiasa an-trano 3 mianadahy iraitampo no indray tsy hita popoka nanomboka omaly maraina. Voalaza fa nangalatra tao an-trano teny amin’ny olona niasany teny Ampefiloha,

izy ireo no sady nitondra zazavavy kely nandositra, zanaky ny havan'ilay mpampiasa azy izay vao 4 taona monja. Efa herintaona niasana tao amin’ity tokantrano ny iray tamin’izy ireo. Nahatoky azy ny mpampiasa vokatr’izany ary nanaiky ny hiakaran'ireo iraitampo aminy eto an-drenivohitra hanampy amin'ny asa an-trano hataony . Ankoatra ilay zaza tsy manan-tsiny dia nitsoaka niaraka tamin’ny solosaina, "tablette" sy ny maro hafa izy ireo. Efa nampandrenesina moa ny mpitandro ny filaminana raha araka ny fantatra. Arahi-maso ihany koa ny fiavian’izy ireo any Antsirabe.
Nangonin’ i Pati