Sosialy

Ampasampito Zaza roa volana narian-dreniny

Sosialy
Alarobia 22 Mey 2019

Zaza menavava iray manodidina ny roa volana omaly maraina no narian-dreniny teny amin’ny toby fiantsonan’ny taksibe teny Ampasampito.

Raha ny fantatra, mody nijorojoro toy ny niandry olona teny amin’ny toby fiantsonana ny renin’ity zaza ity izay manodidina ny 30 taona eo ho eo. Rehefa nahita olona iray anefa izy dia nomeny io olona io ilay zaza mba hotazoniny vetivety. Nilaza ny hamonjy toeram-pivoahana izy fa poritra mafy kinanjo tsy niverina intsony. Very hevitra ilay olona nametrahany ilay zaza ka nampandre avy hatrany ireo tompon’andraikitra isan-tsokajiny teny an-toerana. Efa tonga tonga nijery ny mpitandro ny filaminana, raha ny fantatra hatrany. Marihina fa ny tribonaly hatrany amin’ny ankapobeny no manapaka ny toerana hametrahana ireny zaza nariana ireny na kamboty, aorian’ny fanadihadiana ataon’ny polisy misahana ny zaza tsy ampy taona. Vao haingana no nisy tranga tahaka izao teto an-drenivohitra nandritra ilay hetsika notanterahin’ny Fjkm tetsy amin’ny kianjaben’i Mahamasina.

Pati