Sosialy

AMPANGABE - ORINASA MPANDRENDRIKA VY Tratra nampiasa zaza tsy ampy taona

Sosialy
Talata 15 Oktobra 2019

Orinasa iray mpandrendrika vy eny Ampangabe eny no fantatra fa tratra nampiasa zaza tsy ampy taona, ankizy izay mbola tokony hianatra sy hovelomin-dray aman-dreniny.

Nandritra ny fidinana ifotony nataon'ireo tompon'andraikitra momba ny asa teny an-toerana no nahafantarana izany ankoatra ireo mpiasa maro hita voalaza fa tsy misy CNAPS, sy fiarovana ara-pahasalamana, izay zo fototra tokony hananan’ny mpiasa tsirairay. Tsiahivina moa fa mbola ity orinasa iray ity ihany koa no mampitaraina fatratra ireo mponina eny an-toerana noho ny loto havoakany. Efa nisy ireo olona narary tamin’izany, hoy ny vaovao saingy tsy mbola nandrenesam-peo hatreto ny sampandraharaha misahana izany eto amintsika. Andrasana izay mety ho tohin’ny fanaraha-maso hataon’ireo tompon’andraikitra isan-tsokajiny.

Nangonin’i Pati