Sosialy

Amborovy-Mahajanga Nahitana faty efa tena simba

Sosialy
Alakamisy 16 Jolay 2020

Fatin-dehilahy iray, efa tena simba, no hitan’ny olona teo amin'ny morontsiraka Maroala Fokontany Amborovy, Mahajanga.

Mpanjono handeha hanadio lakana ny talata alina no nahita ka niantso Fokonolona ary nampakatra an-tanety ilay faty. Teratany vahiny ilay maty, misy tombokavatsa sandriny ilany saingy tsy mbola fantatra ny mombamomba azy sy ny fomba nahafatesany. Taorian’ny fizahana ny razana sy fanamarinana nataon’ny tomponandraikitra avy eo anivon’ny Fokontany, ny zandary ary ny BMH dia nalevina tao Mangatokana ilay faty ka ny mpamonjy voinan'ny Kaominina ambonivohitr'i Mahajanga no nikarakara izany.

Jean D.