Sosialy

Ambondro Ambovombe Androy Olona 5 maty vokatry ny kere

Sosialy
Alarobia 06 Janoary 2021

“Amin'alahelo lehibe no itarainako eto mba ho hitam-poko hitam-pirenena. Zaza 02

no namoy ny ainy vokatry ny kere aty amin’ny Kaominina Ambanivohitra Ambondro any Ambovombe Androy, ary mbola io hitantsika amin'ny sary io ny Reniny izay tena reraka be ihany koa noho ny kere ihany”, hoy ny Raim-pianankaviana iray antsoina hoe Mahasambatse Victor tao amin’ny tambajotran-tserasera. Ankoatra izany, dia Raim-pianakaviana iray sy ny zanany 02 ihany koa no maty vokatry ny kere, niala ny tanànany nandeha an-tongotra hitady ravin'ahitra kinanjo noho hanohanana, izay namely azy ireo teny an-dalana ho any Sahanalo, dia maty ireo telo mianaka raha vao tonga any, hoy ny fitantarany. “Mangataka tsy sasatra amin'alahelo aminareo mpitondra fanjakana ambony ny mba hijery todika ireo fianakaviana tra-boina fa na ny ho entina mandevina ireo razana aza tsy misy ny am-pelatanana. Mangataka aminareo sy ny mpandraharaha izahay mba hanao izay fomba azonareo atao haingana dia haingana ny hanampiana ny vahoakan’ Ambondro. Malagasy aho, Malagasy ianao, samy malagasy isika ka aoka hiray fo ka hifanampy”, hoy izy.

Toky R