Sosialy

Ambohidrapeto Nampiana 2 ireo sinibe mpamatsy rano

Sosialy
Talata 13 Oktobra 2020

Betsaka ireo faritra sahirana ara-drano amin’izao fiandohan’ny vanim-potoanan’ny lohataona izao.

Mba hahafahana manamaivana ny fahasahiranan’ny mponina ary dia fantatra fa hampitomboin’ny JIRAMA ireo citernes hiasa amin’ireny faritra ireny. Nosantarina tao amin’ny kaominina ambanivohitra Ambohidrapeto, distrikan’Atsimondrano izany omaly alatsinainy.sinibe na "Citerne" roa no napetraka eny an-toerana hanampy ireo efa am-perin’asa Hitohy eny Ankadimanga sy Fihombonana ny fametrahana izany fitaovana fitehirizan-drano izany hahafahana mamatsy rano ny mponina amin'izao vanim-potoanan'ny faharitan'ny rano izao. Marihina fa "citerne" 96 amin'ireo 105 napetraka manerana ireo faritra misedra olana amin'ny famatsian-drano eto Antananarivo no efa mamatsy rano ny mponina . Na izany aza anefa dia vahaolana vonjimaika ihany izao tanterahina izao fa efa an-dalana ny fanaovana foto-drafitrasa hamahana ny olan'ny famatsian-drano eto Antananarivo toy ny fanitarana ny tobim-pamokaran-drano ao Mandroseza sy ny fametrahana "Unité de Traitement Conteneurisée" amin'ny toerana valo manodidina an'Antananarivo.

Pati