Sosialy

Ambohidava Ambohidrapeto Taolambalo maro no lasan’ireo mpamaky fasana

Sosialy
Alarobia 14 Aogositra 2019

Nitrangana vaky fasana teny Ambohidava Ambohidrapeto, distrikan’Antananarivo Atsimondrano. Tsy dia fantatra loatra ny fotoana nitrangany.

Ireo mpihady fasana nialoha lalana ireo mpandevina tao an-toerana ny alatsinainy teo no nahita voalohany. Akory ny hatairan’izy ireo fa efa nivoha ny fasana. Ankoatra izay dia nalain’ireo tsy mataho-tody avokoa ny razana tamina farafara vato iray izay voalaza fa razambe avokoa. Ny lamba sisa no najanon’ireo mpanao ratsy. Voatery niantso mpitandro ny filaminana ireo tompom-pasana sy ny fianakavian’ny maty ka niandry fotoana maromaro ilay razana lena vao azo nampidirina indray. Nitombo avo roa heny ny fahorian’ny rehetra izay tena nanohina ny fo tokoa. Raha ny angom-baovao azo hatrany dia ity vaky ity no fasana voalohany indrindra teny Ambohidava Ambohidrapeto.

Pati