Sosialy

Amboditsiry sy ny manodidina Miverina indray ny fijaliana amin’ny fahazoan-drano

Sosialy
Zoma 19 Martsa 2021

Miverina indray ny fijaliana amin’ny fahazoan-drano eny Amboditsiry sy ny manodidina efa 2 andro misesy izao,

raha ny fitarainan’ireo mponina eny an-toerana. Tapaka manomboka any amin’ny 8 ora maraina any ho any ary tsy miverina raha tsy efa alina aorian’ny amin’ny 8 ora ihany, izany hoe, tapaka mandritry ny 12 ora fara fahakeliny be izao. Vao tamin’ny fiandohan’ity herinandro ity anefa no nampahafantatra ny delegen’ny boriboritany faha 5 fa efa tsy nahenoina fitarainana momba izany intsony tato ho ato. Etsy an-kilany dia miverina tapatapaka indray ihany koa ny jiro. Andrasana indray, araka izany, izay mba vahaolana aroson’ny Jirama.

J. Mirija