Sosialy

Ambodinisotry sy ny manodidina Tafakatra 3.000 Ar ny rano iray bidon omaly

Sosialy
Sabotsy 19 Janoary 2019

Tafakatra 3.000 Ar ny rano iray bidon miloko mavo nanomboka ny alakamisy lasa teo teny Ambodinisotry sy ny manodidina tonga hatrany amin’ny 67Ha avaratra atsinanana.

Noho ny fahatapahan’ny rano vatsian’ny JIRAMA no nahatonga izany, hany ka nanjaka tanteraka ireo mpanera milaha-drano eny amin’ny paompy. Fenon’izy ireo ny filaharana raha ny fanazavan’ny mponina ary amidiny lafo dia lafo avy eo, indrindra ho an’ireo monina amina toerana somary miditra elakela-trano sy lavitra paompin-drano. Mbola nitohy hatramin’ny omaly zoma maraina io tranga io. Antony nahatapaka ny rano teny an-toerana moa ny fisian’ny asa fanamboaran-dalana eny amin’iny faritra Isotry sy ny manodidina iny, hoy ny avy eo anivon’ny JIRAMA ka nanapaka ny fantsona mitondra izany mivelona any ambanin’ny tany. Tapaka koa ny jiro saingy efa voavaha omaly ny olana. Ho an’ireo tsy nanana fahafahana ny nividy rano nentin’ireo mpikarama an’ady moa dia tsy vitsy tamin’izy ireo no nionona tamin’izay ambin-drano nisy tao an-tokantranony ankoatra ireo nandeha nitady vovon-drano tsy handoavam-bola.

Pati