Sosialy

Ambilobe Saika namidiny tamin’ny vazaha ny zanany

Sosialy
Alatsinainy 07 Jona 2021

Zava-doza no saika nitranga tany amin’ny distrikan’Ambilobe. Zazalahikely iray vao 8 taona monja no saika namidin-drainy

tamina tera-tany vahiny Raim-pianakaviana iray. Tamin’ny sabotsy hariva teo no tonga mivantana tao an-tokantranona tera-tany vahiny iray tao Matsaborilaidama ao Ambilobe ity Ray tsy mataho-tody ity. Mbola any amin’ny Renibeny any Ramena anefa no mipetraka io zazalahikely io. Tsy nisalasala ilay teratany vahiny araka izany nitantara tamin’ny fokonolona ka nosamborina avy hatrany ity lehilahy tsy mataho-tody ity. Saika niharan’ny fitsaram-bahoaka izy noho izany ka nalefa any amin’ny zandary any Antsiranana ho fiarovana ny ainy. Na izany aza dia efa mandeha ny fanadihadiana lalina mikasika ity raharaha ity amin’izao fotoana izao.

Pati