Sosialy

Ambatolampy Nidina an-dalambe ny mpivarotra, mpitatitra, mpandraharaha

Sosialy
Alarobia 29 Janoary 2020

Manao ranolava ny fidinana an-dalambe eto amintsika. Nitokona nilanja sorabaventy avokoa ihany koa omaly ireo mpandraharaha sy mpitatitra ao Ambatolampy, Faritra Vakinankaratra.

Raha araka ny loharanom-baovao azo mantsy dia nakarin’ny fanjakana ho avo roa na telo heny ny hetra alaina amin’izy ireo nefa ny asa tsy mandeha, isika rahateo tafiditra anatin’ny vanim-potoanan’ny maitso ahitra. Ho an’ireo mpivaro-bilany manokana dia fantatra fa nahitana fiakarany avo roa heny ny hetra alaina amin’izy ireo nefa ny tsena tsy misy. Toraka izany koa ireo tsena lehibe sy tsena manidina. Nomarihin’izy ireo moa fa orinasa Malagasy mba te-hivoatra izy ireo ary vonona ny hampiroborobo ny vita Malagasy saingy hanaovana antsojay sy mbola tratry ny fanamparam-pahefana indray. Miantso ny filoham-pirenena mba hijery ny tranga mahazo azy ireo araka izany ireto mpandraharaha sy mpitatitra ao Ambatolampy ireto.

Pati