Sosialy

Ambato Boeny Atahorana ny tsy fanjarian-tsakafo mahazo ny ankizy

Sosialy
Alarobia 12 Febroary 2020

Atahorana ny tsy fanjarian-tsakafo mety hihatra amin’ireo ankizy latsaky ny 5 taona amin’ny distrikan’ Ambatoboeny, taorian’ilay ora-mikija teto amintsika nandritra ny herinandro.

Ankoatra ireo karazan’aretina miparitaka mantsy dia marobe ireo tsy manana fahafahana ny hisakafo ara-dalàna intsony antony nanosika ny minisitry ny mponina Rtoa Naharimamy Lucien Irmah nidina ifotony tany an-toerana nijery ireo traboina. Taorian’ny dinik’asa niarahana tamin’ireo tompon’andraikitra tao an-toerana nanontany ny olana sedrain’ny isan-tokantrano dia niroso tamin’ny fanolorana fanampiana ho an’ireo traboina ny minisitra. Ankizy latsaky ny 5 taona miisa 500 no nomeny koba hahafahana mampitombo ny hery fiarovana. Teo ihany ny koa ny ireo kojakojan-tokantrano toy ny sceau, ny koveta , ny lovia, ny sotro, ny akanjo, ny sakafo toy ny vary, voamaina, siramamy, menaka, ronono, paty…. Nisy koa ny fanomanana sakafo atoandro ho an’ireo ankizy mihoatra ny 5 taona. Nitohy tamin’ny fijerena ireo fokontany rava trano ny fidinana ifotony. Nahatratra 176 mantsy ny trano rava tany amin’ity distrika iray ity ka olona an-jatony maro no traboina.

Pati