Sosialy

Ambanja Lehilahy iray nahatrarana rongony 6 kilao

Sosialy
Alarobia 11 Martsa 2020

Mitohy hatrany ny ezaka ataon’ny polisy miasa ao amin’ny kaomisaria ao Ambanja amin’ny famongorana ireo asa ratsy any an-toerana.

Tsy mitsahatra ny manao ny fisafoana andro aman’alina ireo pôlisy raha araka ny vaovao azo. Misy ireo mandeha fiara eo ihany koa ireo mandeha an-tongotra miditra any an’ elankelan-trano. Nandritra izany fisafoana izany dia lehilahy iray tokony ho 28 taona no voasambotry ny polisy ny alin’ny 08 hifoha 09 martsa teo tokony ho tamin’ny 11h30 alina tao amin’ny Fokontany Beravo II, sektera Mahavelona any Ambanja . Nilanja gony ity lehilahy ity ka izay no nampiahiahy ny polisy. Niroso tamin’ny fisavana avy hatrany ny entana nentiny ny mpitandro filaminana ka tratra tao ny rongony milanja 6 kilao sy sasany. Nentina tany amin’ny birao ity lehilahy ity nanaovana fanadihadiana. Niaiky izy fa azy ireo rongony ireo. Natolotra ny fampanoavana avy hatrany ity lehilahy ity ka notazomina vonjimaika any am-ponja.

Pati