Sosialy

Ambalabe Ouest – Antsohihy Lehilahy iray hita faty tao anaty lakandrano

Sosialy
Talata 18 Aogositra 2020

Hatairana ny an’ny olona, omaly marina, nahita fatin-dehilahy iray nihohoka tao anaty lakandrano tao Ambodimadiro, Fokontany Ambalabe Ouest, Antsohihy.

Tonga teny an-toerana ny mpitandro filaminana. « Tsy nahitana ratra na dian-kapoka ny vatany fa raha ny fahitana azy, mety mamo izy no latsaka tao anaty lakandrano, tsy tafarina na niezaka ny hivoaka saingy miha tafiditra ihany, sempotra tao fa tsy nahita ratra izy », hoy dokotera nanao fizahana ny faty. Mpampianatra ity rangahy nodimandry ity ary misy fotoana ahitan’ny olona azy mamo eny an-dalana. Nalain’ny fianakaviana ny faty taorian’izay.

Nangonin’i Jean D.