Sosialy

Alaotra Mangoro Mpamboly vary 4 000 mihitsoka any amin’ny faritra hafa

Sosialy
Alakamisy 28 Mey 2020

Ao anatin` ny fihibohana tanteraka Aloatra Mangoro noho ny fisian` ny aretina Covid-19 ao amin` ity faritra ity.

Fantatra amin` ny fambolena vary ity faritra ity ary misy amin` ireo mpamboly ireo no manao asa any amin`ny faritra hafa. Manodidina ny 4 000 izy ireo no mihitsoka any amin’izay toerana misy azy avokoa raha tokony hampiaka-bokatra any Alaotra amin’izao fotoana izao, hoy ny tatitry ny solombavambahoaka any an-toerana. Mangataka ny hampodiana azy ireo ao Alaotra mangoro araka izany ity solombavambahoaka iray ity amin’izao fotoana izao, hahafahan’izy ireo mamonjy ny toeram-pihaviany sy hahafahany miasa any an-toerana. Fantatra mantsy fa natsahatra noho ny fihanaky ny valan’aretina Coronavirus ny fanomezana alalana manokana na autorisation hahafahana mivezivezy mankany na mivoaka any an-toerana amin’izao fotoana izao. Afaka herinandro anefa, no hifarana sy ho tapitra tanteraka ny asa momba ny vary any an-toerana.

Marigny A.