Sosialy

Alaotra Mangoro Miaramila iray matin’ny tazomoka

Sosialy
Alakamisy 11 Jona 2020

Miaramila iray no nodimandry vokatry ny tazomoka mahery nahazo azy tany Ambatondrazaka omaly maraina. Miasa amin’ny barazy na ny sakana ao Ranofotsy amin’iny làlam-pirenena faha-44 iny izy io.

Ny alahady teo no efa nanantona mpitsabo. Noho ny adidy amin’ny sakana dia mbola namonjy an’i Ranofotsy. Ny alahady teo izy no voamarina fa voan’ny tazomoka. Noho ny asa sy ny fanatanterahana ny baiko miaramila dia tsy nahandry ny fotoana namoahana ny fanafody tazo. Nihombo ny aretina, ka nentina avy hatrany tao amin’ny Hopitalibe Ambatondrazaka. Efa tsy nahatsiaro tena no noraisin’ny hopitalibe tao Ambatondrazaka, saingy tsy tana ny ainy. Efa nentina any Ambohitsilaozana omaly ihany ny razana. Vao tapa-bolana teo izay no nisiana tovolahy iray mpandidy vary matin’ny tazomoka ihany koa tany amin’iny Faritra Alaotra Mangoro iny.

Toky R