Sosialy

AKAMA 67 HA Nomena baolina sy fanamiana ireo mpianatra lehibe

Sosialy
Alakamisy 04 Aprily 2019

Anisan’ny hetsika tsy hananan’ireo mpianatra manana olana ara-pihainoana sakana mihitsy ny fanaovana fanatanjahantena. Anisan’ireny ny basket, ny atletisma, ny lomano saingy ilay kirioka

hampiasaina iny fotsiny no havadika ho saina kely hahafantarana ny fizotry ny lalao. Ho an’ny AKAMA etsy amin’ny 67 ha manokana dia kopy marobe no efa azon’ireo mpianatra tamin’ny lalao ara-panatanjahantena nataony hoy ny taleny Andriamampianina Rivo, izay mandravaka ny biraony. Mba ho fanampiana tosika ireo mpianatry ny AKAMA hiroso bebe kokoa hatrany amin’ny lalao ara-panatanjahantena ary dia tonga nanamboatra ny kianja filalaovan’izy ireo basket sy nanolotra fanamiana ho an’ireo mpianatra lehibe omaly ireo mpianatra ao amin’ny sekoly ambony INSCAE taona faharoa. Tafiditra ao anatin’ny tetikasa tanterahin’ireto farany any am-pianarana izany sady hanasoavana ny mpiara-belona ihany koa. Omaly no notokanana tamim-pomba ofisialy ny fotodrafitrasa nofaranana tamin’ny lalao ara-panatanjahantena nifanandrinan’ny roa tonta.

Pati