Sosialy

Afo manimba zavaboary eto Madagasikara Nihena 50 % tao anatin’ny enim-bolana

Sosialy
Zoma 05 Jolay 2019

Maika ny ady amin’ny afo eto amintsika ho an’ny “Madagascar National Parks” raha tiana ny hahazo mpizahatany vahiny betsaka manomboka ny 01 aogositra ho avy izao ka hatramin’ny faran’ny volana novambra taona 2019.

Ny afo mantsy, raha ny fanazavan’ny dokotera Mamy Rakotoarijaona, tale jeneraly mpisolo toerana eo anivon’ny MNP no fototra iray tena mamotika ireo zavaboary sy zava-mananaina sarobidy eto amintsika, izay tena miantoka ny fahatongavan’ireo mpizahatany vahiny marobe eto Madagasikara sady mampidi-bola vahiny betsaka ihany koa. Efa nahitana ezaka goavana kosa ny ady amin’ny afo teto amintsika. Nihena ho 168 isa mantsy ny tetikafo hitan’izy ireo tamin’ny zana-bolana nandritra ny tapa-taona voalohany teo raha nahatratra hatrany amin’ny 272 tamin’ny taon-dasa. Miandry mpizahatany hatrany amin’ny 250.000 isa hitsidika ireo Park enina malaza eto amintsika izy ireo manomboka amin’ny volana aogositra ho avy io raha 300.000 kosa manerana ny Nosy. Efa vonona amin’ny fandraisana tanteraka izy ireo hatreto ka anisan’ireny ny fanentanana ireo hotely samihafa mba hahay handray vahiny, toy izany koa ny ady amin’ny tsy fandriampahalemana any amin’ny lalam-pirenena fahenina sy fahafito izay hiarahana amin’ny fitondram-panjakana.

Pati