Sosialy

Ady amin’ny tsy fanjarian-tsakafo Hampiharina eto Antananarivo ny tetikasa SARU

Sosialy
Zoma 21 Febroary 2020

Mandray ny tetikasa « SARU » na « Renforcement de la résilience climatique dans les Systèmes alimentaires en Régions Urbaines à Madagascar » ny kaominina Antananarivo.

Nisy omaly ny fihaonana niarahan’ireo tompon’andraikitra avy amin’izany tamin’ny mpitantana tarihin’ny ben’ny tanàna Naina Andriantsitohaina. Tanàna lehibe Antananarivo, ary mila manana Programa matipaika eo amin’ny fanjarian-tsakafo, hoy ny ben’ny tanàna. Ohatra amin’izany ny tetikasa « Cantines scolaires » ho an’ireo mpianatra ao amin’ny EPP, izay ao anatin’ny Veliranon’Iarivo, raha ny fanazavana. Raha tena te hampandroso an’Antananarivo isika dia tsy vahaolana maika fotsiny no mila apetraka fa vahaolana maharitra. Isaorana ny fanjakana, ny faritra Analamanga ary ny FAO amin’ny ezaka sy ny fifanomezan-tanana, hoy hatrany ny ben’ny tanàna Naina Andriantsitohaina.

Toky R