Sosialy

Ady amin’ny tsy fananan’asa Tanora miisa 160.000 no efa nahazo fiofanana

Sosialy
Alatsinainy 14 Jona 2021

Tanora miisa 160.000 no efa nomen’ny Ministeran’ny Fampianarana teknika sy ny fanofanana arak’asa fiofanana teto amintsika tato anatin’ny 9 volana.

Karazana fiofanana maro no efa nomena azy ireny toy ny fanamboarana lalana pave, ny fitondrana ireny fiarabe mpanamboatra lalana ireny na ho an’ny zatovolahy na ho an’ny zatovovavy ankoatra ny asa fanjairana…. Tanjona amin’izany ny mba hahafahana miady amin’ny tsyfananan’asa izay tena mahazo vahana tokoa eto amintsika. Zary lasa manaotao foana avokoa mantsy ny ankamaroan’ ireo tanora tsy an’asa ka tsy maintsy hitadiavam-bahaolana no sady hahafahana miady amin’ny fahantrana ihany koa. Mpianatra niofana momba ny fitondrana fiarabe am-polony indray no navoaka tamim-pomba ofisialy ny faran’ny herinandro teo teny anivon’ny INFP, natrehin’ny Ministra tompon’andraikitra. Nambaran’ny Ministra nandritra izany fa mbola hitohy hatrany ny fanofanana ireo tanora eto amintsika ho fanamaivanana ny fahasahiranan’ny isan-tokantrano.

Pati