Sosialy

Ady amin’ny kolikoly Hiara-kiasa ny JIRAMA sy ny BIANCO

Sosialy
Zoma 15 Novambra 2019

Hiara-kiasa hiady amin’ny kolikoly manomboka izao ny orinasa JIRAMA sy ny birao mahaleo tena iadiana amin’ny kolikoly na ny BIANCO.

Saika tontolo hitrangan’ny endrika kolikoly hatrany ny sehatry ny asam-panjakana ka tsy maintsy hitadiavam-bahaolana izany. Nisy ny atrikasa notanterahin’ny roa tonta teny Antanimena omaly. Ankoatra ny fijerena ireo tena maharary ny vahoaka sy ny olana misy dia hisy ny famoahana fehin-kevitra mifandraika amin’izany ka ny tanjona dia ho mangarahara avokoa ny famoaham-bola eo anivon’ity orinasa iray ity, hetsika tafiditra ao anatin’ny fanomezana fahafaham-po ny mpanjifa. Ireo tompon’andraikitra eo anivon’ny approvisionnement sy ny recouvrement eo anivon’ny orinasa JIRAMA moa no tonga niatrika izany, izay hifarana anio.

Pati