Sosialy

Ady amin’ny kere Hiverina any Androy ny Filoham-pirenena

Sosialy
Talata 20 Oktobra 2020

Ny 22 oktobra izao no hotokanana ny « Centre de Rehabilitation Nutritionnelle et Médicale » izay ivon-toerana iadiana amin`ny kere any amin`ny faritra Androy, izay iarahan` ny minisiteran` ny fahasalamam-bahoaka sy ny ONN miasa.

Mitsidika ny tapany atsimon` ny nosy ireo ministra miisa enina ho famahana ny olana misy any an-toerana. Ao Tsihombe ny Ministry ny Mponina, Ministry ny Fahasalamam-bahoaka, ary ny Ministry ny Rano. Any Ambovombe kosa ny Ministry ny Harena an-kibon'ny tany sy ny Ministra lefitra misahana ny tanana vaovao manao fanisam-bahoaka faobe. Mamita iraka any Beloha kosa ny Ministry ny Paositra sy ny fifandraisan-davitra. Raha ny fantatra dia hiverina fanindroany any atsimo ny filoham-pirenena, Andry Rajoelina. Efa mipetrapetraka avokoa ny lamina rehetra amin'ny famahana fohy ezaka sy lavitra ezaka mahakasika ireo vahoaka iharan'ny hain-tany sy mosary ireo.

Marigny A.