Sosialy

Ady amin’ny herisetra Mandray fitarainana ihany koa ao amin’ny toby Ratsimandrava

Sosialy
Sabotsy 16 Mey 2020

Ankoatra ireo toerana fandraisana fitarainana toy ny etsy amin’ny PMM Tsaralalana sy Anosy ary ny Brigade feminine de proximite ahitana ireo

vehivavy polisy miaro ny vehivavy sy ny ankizy amin’ny herisetra dia fantatra ihany koa fa efa mandray izany ny SPEM ( Service pour la protection des enfants et des mineurs) ao amin’ny toby Ratsimandrava Andrefan’Ambohijanahary. Noho ny firongatry ny herisetra mandritra ny fihibohana no voalaza fa anton’izany. Raha araka ny fantatra mantsy dia nitombo be izany raha oharina tamin’ny taona 2019 ka ankoatra ny herisetra ara-batana izay miaro famonoana mihitsy dia mahazo vahana tanteraka ny herisetra ara-bola. Raha araka ny fijoroana vavolombelona nataona renim-pianakaviana iray tonga mivantana nitaraina tetsy Tsaralalana dia zara raha manome vola azy ny vadiny no sady mandatsalatsa ihany koa. Ankoatra ity farany dia manahy ny amin’ny mety hakan’ilay lehilahy ny zanany ihany koa ity Renim-pianakaviana ka tonga nitaraina sy nitady fanampiana. Nanamafy araka izany ireo mpitandro ny filaminana fa ankoatra ilay laharana maintso 813 izay hahazoana azy ireo dia azo hatao tsara ny manatona azy ireo eny amin’ny birao eny fa na dia ho an’ ireo mahita trangana herisetra eny amin’ny manodidina aza.

Pati